Das Wunder Von Altötting lyrics

 
Song Details
Artist(s)Biermösl-Blosn
Album(s)  -

Bauer, Bäuerin und der Bua
wallfahr'n auf Altötting zua.
Weil sie's net so hab'n mit'm Geh',
fahrn's mit'm 280er SE!

Rosenkranz und Litanei,
und dazu den Bayern 3,
biag'n 's jetzt auf Altötting ei.
Oh, Maria, steh uns bei!

Der Jungfrau wohlgebenedeit
wird a dicke Kerzen g'weiht.
150 Küh im Stall,
mach uns zu am Härtefall!

Und der Nachbarhof is krank,
hochverschuld't an d' Raiffeisenbank.
Wann 's der Jungfrau aa waar recht:
Seine Gründ san aa net schlecht!

Wia 's hoam san, war des Wunder g'scheh'n.
Schon von weitem hat ma 's g'seh'n!
Gottlob ham mir a Kerzen g'spend't,
daß der Stadel so schö' brennt!

Doch jetzt herrscht ein großer Jammer:
Die Bayerische Versicherungskammer
will net an des Wunder glaam,
weil 's halt gar koan' Glaub'n mehr ham!

D' Kirch, die kauft, des is a Sünd,
alle ihre besten Gründ;
der Nachbar alle Küh im Stall.
Ja, jetzt san 's a Härtefall!

G'lobt sei Maria allezeit!
Ja, so a Wallfahrt is a Freud!



All lyrics are property and copyright of their owners.