|
|
A jeder glaubt von Zeit zu Zeit
es rennt eam was davon.
wass' net, dass si in Wirklichkeit
nur wenig wirklich lohnt
guat drauf sein muasst a ohne G'walt
net immer nur am Sprung
dafür war i früher z'alt
und heut' bin i zu jung
alles was dir no net g'hört
und des is' ziemlich vü
hat vielleicht kan' echten Wert
wer waas scho' was er wü
ma' soll des Leb'n net erpressen
nur weil ma's net versteht
wann'st alt bist, hast des scho' vergess'n
wann's d' jung bist, wasst es net
jeden Tag passiert so vü
was du net ganz vastehst
und du hast vielleicht des G'fühl
dass d'in die falsche Richtung gehst
brauchst ka Angst hab'n, brauchst net rearn
brauchst net all's versteh'
wann's d' alt bist, wird's di nimma stör'n
wann d' jung bist, tut's nua weh
glaub net dass du was b'sonders bist
dann wirst'd was b'sonders sein
glaub do not afoch jeden Mist
den s' heite ausseschrei'n
lass net zua dass irgendwer
über di bestimmt
wann's d' alt bist is des nimmer schwer
wann's d' jung bist, lernst des g'schwind
du glaubst, du hast es in da Hand
kann sei, das des net stimmt
glaub'n is wie Wüstensand
der in der Hand zerrinnt
glaub'n reicht net, du muastt wiss'n
wissen, wer du bist
dann kannst des Leb'n a geniess'n
egal, wie alt du bist
|
